< Байбы >

Як маёнтак згадваецца з 1782 г. у складзе Віленскага ваяводства ВКЛ. Уласнасць шляхецкага роду Квятоўскіх, затым роду Падзінскіх. Захаваліся велічныя руіны бровара, складзенага з палявога каменю і цэглы. Таксама ў руінах вадзяны млын з каменю, рэшткі невялікіх гаспадарчых пабудоў. Сёння былы маёнтак, хутчэй за ўсё, прыватызаваны, вядуцца аднаўленчыя работы.