< Будга >

Вядома пасяленне з пачатку XVI ст. З сярэдзіны XVII ст. – уласнасць роду Радзівілаў. З 1623 г. тут дзейнічаў старадаўні, магчыма, уніяцкі храм. Хутчэй за ўсё, пасля падаўлення паўстання 1830-1831 гг. святыня была зачыненая царскімі ўладамі і, магчыма, знішчаная. У 1896 г. на тым жа месцы была пабудаваная новая драўляная святыня, асвечаная як праваслаўны Спаса-Праабражэнскі храм. Сёння царква і прылеглая тэрыторыя дагледжаныя, усюды хмызнякі і кветкі.