< Чырвонае

Паселішча вядомае з пачатку XV ст. як Чырвонае Сяло. З 1486 г. – мястэчка. На каталіцкіх могілках знаходзіцца магіла ўдзельнікаў паўстання 1863-1864 гг. Тут таксама стаіць склеп-пахавальня роду Тышынскіх у стылі мадэрн. Касцёл Узнясення Дзевы Марыі ў стылі неаготыкі ўзведзены ў 1908 г. і з таго часу дзейнічаў бесперапынна. Пакроўская царква ў рэтраспектыўна-рускім стылі пабудавана з бутавага каменю і цэглы ў 1889 г.