< Чышэвічы (да млынаў)

Да нядаўняга часу гэтыя месцы былі мала каму вядомыя. А гэта недалёка ад нашай сталіцы і зусім побач з такім мілым правінцыйным мястэчкам, як Івянец. Тым цікавей будзе дакрануцца да малавывучанага і маланаведвальнага запаведнага месца. На берагах ракі Волмы мы з задавальненнем разгледзім руіны старога бровара і вадзянога млына, складзенага з каменю ў 1822 г. у маёнтку Юстыны Рдултоўскай.