< Даўгаполле >

Некалі гэты маёнтак быў уласнасцю Сапег. З 1836 г. яно перайшло Вайчынскім. Ад некалі паспяховай гаспадаркі захаваліся вялізныя гаспадарчыя пабудовы і ўязная брама. Два пілоны брамы, пабудаванай з каменю і цэглы ў рысах неаготыкі ў сярэдзіне ХІХ ст., стаяць у руінах. Кожны пілон мае вялікія праходы і дэкаратыўныя ляпныя разеткі ў выглядзе колаў, ад якіх сыходзяць прамені. Гэтаму архітэктурнаму помніку патрэбная кансервацыя.