< Дом-музей Марка Шагала >

Невялікі куток Віцебска знакаміты, магчыма, на ўвесь свет. Дом, у якім жыў Марк Шагал, знаходзіцца на вул. Пакроўская, 11. Пабудаваны дом у 1903 г. бацькам мастака. Музей у ім адкрыўся ў дзень нараджэння Марка Шагала – 6 ліпеня 1997 г. Пакоі дома-музея аформлены ў адпаведнасці з архіўнымі матэрыяламі і аўтарскімі работамі майстра. Асабліва ўтульны дворык музея з мноствам кветнікаў і арыгінальнымі скульптурамі.