< Дом рамесніка >

Захавалася яшчэ адна назва будынка – «дом на рынку». Пабудаваны ён у 1721 г. Магчыма, з таго часу вонкавае аблічча пабудовы істотна не змянілася, а вось пра інтэр'ер гэтага сказаць нельга. Барочны франтон дома – рыса, якая вылучае яго сярод суседніх пабудоў. Першапачаткова першы каменны паверх быў майстэрняй, а, магчыма, адначасова і крамай. Частка была адведзена пад складское памяшканне. Верхні, больш цёплы паверх быў адведзены пад жыллё гаспадара-майстравога.