< Дуброва >

У 1796 г. па праекце архітэктара з Рыма Карла Спампані пабудаваны цагляны касцёл Узнясення Дзевы Марыі ў стылі барока. У 1868 г. ён перададзены праваслаўным, а ў 1919 г. вернуты каталікам. У 60-я гг. ХХ ст. касцёл пацярпеў ад пажару. Цяпер ён у напаўразбураным стане. Насупраць касцёла стаіць драўляная плябанія (ХІХ ст.). У выдатным стане захаваўся каменны бровар, пабудаваны ў ХІХ ст. Непадалёк ад вёскі знаходзіцца Дзявочая Гара – вядомае свяцілішча.