< Гарадзея >

Былы фальварак вядомы з 30-х гг. XVI ст. Гаспадарылі тут шляхецкія роды Пратасавічаў, Радзівілаў, Брахоцкіх. Захаваўся каталіцкі храм Св. Юзафа, пад які быў прыстасаваны будынак каменнай стайні. У савецкі час тут дзейнічала кафэ, а ў 1996 г. храм быў вернуты каталікам. Каля  чыгуначнага пераезду стаіць каменная прыдарожная капліца (1874 г.), а ля сучаснага будынка гасцініцы ў 2012 г. ўсталяваны прыгожы, адзіны ў Беларусі помнік Грунвальдскай бітве (1410 г.). Каменная радавая забудова на сённяшні дзень часткова знішчана.