< Гервяты >

З 1434 г. Гервяты былі вядомыя як мястэчка ВКЛ. У канцы ХІХ ст. уладарамі сталі Дамейкі. Троіцкі касцёл у стылі неаготыкі ўзведзены з цэглы ў 1899-1903 гг. на сродкі князя Альшэўскага. Як сцвярджаюць старажылы, цэгла была прывезеная з Прыбалтыкі і кожная цагліна была асобна завернутая ў паперу. Гэта адзін з найпрыгажэйшых каталіцкіх храмаў Беларусі. Вечназялёныя расліны вакол касцёла ўражваюць не менш. Тэрыторыю вакол касцёла ўпрыгожваюць скульптуры і кветнікі. Ад сядзібы захаваўся вадзяны млын, у якім цяпер працуе кафэ.