Грушаўка >

Паселішча згадваецца з XV ст. Больш за 300 гадоў гэтым маёнткам валодаў род Рэйтанаў, выхадцаў з нямецкіх зямель. Тадэвуш Рэйтан (1742–1780 гг) на сейме ў Варшаве выступаў супраць першага падзелу Рэчы Паспалітай. Да нашых дзён захаваліся капліца-пахавальня роду Рэйтанаў ў выглядзе гатычнага храма, драўляны сядзібны дом, канюшня, руіны бровара, гаспадарчыя пабудовы, брама і алеі парку. Тут жа стаіць жылы дом “Мураванка”, у якім жыў у свае апошнія гады Тадэвуш Рэйтан – самы вядомы прадстаўнік гэтага роду.