< Івашкавічы >

На прыгожым узвышшы, якое некалі было старажытнымі могілкамі, стаіць цагляны храм, збудаваны прыблізна ў канцы XVIII ст. Па словах старажылаў, раней на гэтым месцы стаяла драўляная царква. Падчас Другой сусветнай вайны храм быў разбураны. Побач з храмам – званіца з палявога каменю. Да якой канфесіі святыня належала першапачаткова, невядома, аднак да разбурэння гэта была праваслаўная Пакроўская царква.