< Кабішча >

Узнясенская царква ўяўляе сабой дыхтоўны крыжападобны будынак у рэтраспектыўна-рускім стылі з элементамі готыкі, узведзены ў 1869 г. Пабудаваны ён з бутавага каменю і цэглы, які абрамляе кладку па вуглах і карнізах будынка. Ім жа выкладзеныя парталы арачных вокнаў і дзвярэй. У савецкі час храм выкарыстоўваўся як склад. Нядаўна над малітоўнай залай з'явіўся невялікі купал.