< Кальварыйскія могілкі >

На адным з найстарэйшых каталіцкіх могілак горада ў 1841 г. з цэглы пабудаваны Крыжаўзвіжанскі касцёл у рэтраспектыўна-гатычным стылі. Храм некалькі разоў перабудоўваўся. На адной восі c касцёлам у 1830 г. узведзена мураваная брама ў стылі ампір з адным цэнтральным і двума бакавымі арачнымі ўваходамі. Сярод старадаўніх пахаванняў захаваліся каля дзесяці капліц-пахавальняў шляхетных родаў горада.