< Каменка >

Упершыню Каменка згадваецца ў сярэдзіне XVI ст. у складзе ВКЛ. Належала паселішча Тызенгаўзам. У 1580 г. тут стаяў старажытны драўляны касцёл, у якім хрысцілі Элізу Ажэшка. Новы каменны каталіцкі храм у стылі неаготыкі збудаваны ў 1908 г. У 1910 г. ён быў абнесены маляўнічай цаглянай агароджай з гатычнай брамай. У 1923 г. з дрэва ўзведзены велізарны будынак адміністрацыі гміны з мансардным паверхам. Цікавасць уяўляе таксама радавая забудова (XIX-XX стст.).