< Капліца Св. Барбары >

На краі пасёлка, на старажытных каталіцкіх могілках, можна ўбачыць сціплую капліцу, якая была збудаваная з бутавага каменю ў 1861 г. у стылі позняга класіцызму і асвечаная ў гонар Св. Барбары. Прадаўгаватая капліца мае паўкруглую апсіду, накрытую агульным дахам. Галоўны фасад пабудовы вянчае трохкутны франтон, які абапіраецца на чатыры масіўныя калоны. Адзінае ўпрыгожанне каменных сцен – невялікія арачныя вокны.