< Касцёл Нараджэння Св. Дзевы Марыі >

У 1836 г. на месцы старажытнага драўлянага касцёла пабудаваны новы, каменны, асвечаны ў гонар Нараджэння Св. Дзевы Марыі. Пасля падаўлення паўстання 1863-1864 гг. зачынены царскімі ўладамі. У 1899 г. адкрыты зноў. Савецкія ўлады зноў зачынілі касцёл і выкарыстоўваюць яго як складское памяшканне. Пасля Другой сусветнай вайны была разбурана званіца і ў касцёле быў адкрыты кінатэатр, затым спартзал. У 1988 г. адноўлены і вернуты вернікам.