< Кляштар езуітаў >

Кляштар быў заснаваны ў 1690 г. Ад кляштара захаваўся цагляны касцёл у стылі барока, узведзены ў 1730 г. Пасля паўстання 1830-1831 гг. касцёл быў перададзены праваслаўнай царкве і да непазнавальнасці перабудаваны. Таксама былі змененыя будынкі калегіума, кляштарная аптэка і некаторыя іншыя пабудовы. Часткова захавалася вытанчаная агароджа кляштара з невялікімі капліцамі па вуглах.