< Княжыцы >

Гэтае мястэчка ВКЛ згадваецца ў пісьмовых крыніцах з 1501 г. Праз Княжыцы праходзіў Віленскі паштовы тракт. З дапамогай фінансавання ўладара мястэчка К. Паца ў 1670 г. тут пабудаваны кляштар дамініканцаў. Пры кляштары ў 1750 г. пачалася будоўля касцёла Св. Мікалая. Будаваўся храм 41 год. У 1832 г. кляштар быў закрыты, а ў 1863 г. закрылі і касцёл. У 1872 г. яго перабудавалі пад царкву. Столь храма дасягае 15 метраў у вышыню, у храме часткова захаваўся алтар. Гэта адзіны храм у Беларусі з аркбутанамі, якія утвараюць парадны дворык перад галоўным уваходам у святыню.