< Крупкі >

З сярэдзіны XVII ст. згадваецца як мястэчка ва ўласнасці шляхецкага роду Сангушкаў. Апошнімі ўладальнікамі гэтага былога мястэчка быў род Свяцкіх, адзін з прадстаўнікоў якога, Карл Свяцкі, у 1903 г. пабудаваў на ўскраіне паселішча невялікі цагляны сядзібны дом у стылі мадэрн. Дом стаіць на беразе ракі Бобр у атачэнні пейзажнага парку, пасля Другой сусветнай вайны ён быў значна перайначаны.