< Квасоўка >

Вядома пасяленне яшчэ з канца XV ст. як уласнасць Забярэзінскіх, Ільінічаў. У 1872 г. у стылі позняга класіцызму пабудавана невялікая трохнефная каталіцкая базіліка. Стаіць яна ў самым цэнтры вёскі і з'яўляецца яе архітэктурным упрыгожаннем. Пры савецкай уладзе касцёл быў зачынены ў 1961 г. і выкарыстоўваўся ў розных гаспадарчых мэтах. У 1989 г. адноўлены і вернуты вернікам.