< Манастыр цыстэрцыянаў >

Гэта месца горада носіць вельмі прыгожую гістарычную легендарную назву «Даліна анёлаў». Заснаваны манастыр у 1647 г. пры фінансавай падтрымцы роду Аскеркаў. Пабудовы манастыра і касцёл узведзены з цэглы ў стылі позняга барока. Пасля падаўлення паўстання 1863-1864 гг. манастыр быў скасаваны, а касцёл перададзены праваслаўным. У канцы XIX ст. у пабудовах комплексу была адкрыта запалкавая фабрыка. Сёння касцёл і манастырскія карпусы комплексу ў руінах. Магчыма, неўзабаве пачнуцца аднаўленчыя работы.