Мазыр

Першыя згадкі пра паселішча датуюцца 1155 г. У XV ст. у складзе ВКЛ. У 1577 г. Мазыр атрымаў Магдэбургскае права і герб. Выдатна захаваўся касцёл Св. Міхаіла Арханёла, пабудаваны ў стылі позняга барока пры кляштары цыстэрцыянак у 1743 г. Ад кляштара захаваліся таксама жылы корпус і брама. Царква Св. М. Арханёла (1760 г.) – гэта былы касцёл бернардынцаў. Вартыя ўвагі вялікі будынак гарадскога асабняка, тэатр (1952 г.), бровар (ХІХ ст.) і радавая забудова горада.