< Мікалаева >

Вядомае паселішча з XVI ст. У 1776 г. у вёсцы ўзведзены касцёл Св. Антонія з цэглы ў стылі позняга класіцызму. Старажылы сцвярджаюць, што каталіцкая святыня перад Другой сусветнай вайной яшчэ прымала пад свой дах вернікаў. Пасля вайны храм выкарыстоўвалі як гаспадарчае памяшканне. Сёння храм стаіць без даха, поўнасцю знішчаны інтэр'ер касцёла. Аднак захаваліся моцныя сцены, і касцёл яшчэ можна адбудаваць.