< Міхалішкі >

Паселішча вядома з XV ст. З XVI ст. – мястэчка. Належала Осцікам, Кежгайлам (Кезгайлам), Радзівілам, Котвічам. У 1652 г. з цэглы ўзведзены касцёл Св. Міхала Арханёла ў стылі барока. Храм моцна пацярпеў у Першую сусветную вайну і быў адноўлены ў 1920 г. Сёння перад намі храм у стылі сармацкага барока з рысамі абарончай архітэктуры. Асаблівую ўвагу варта надаць унутранаму ўбранню храма. Выканана яно ў 1677-1684 гг. італьянскімі мастакамі.