< Мост Трынаццаці і Самотны мост >

Распрацоўваючы эскіз, архітэктар выпадкова заклаў у апраўленне моста 13 камянёў. Вырашыў выправіць. Але юная дачка майстра пераканала яго ў тым, што гэта знак: 12 камянёў – гэта 12 Радзівілаўскіх апосталаў, а трынаццаты камень – гэта сама легенда пра незлічоныя магнацкія скарбы. На самой справе ад гэтага моста веяла глыбокай адзінотай. І гэты бераг, і дарога, дрэвы, высокае сонца і нават прысутнасць чалавека не парушала гэта рамантычнае адзіноцтва, якое часам бывае нам так неабходна. Гэтага мы і шукаем, збягаючы ад паўсядзённай мітусні і спешкі.