< Негарэлае >

Некалі тут існаваў конны тракт Мінск–Навагрудак з вялікім паштовым прыпынкам. Вядома паселішча з сярэдзіны XVI ст. Нейкі час яно было маёмасцю магнацкага роду Радзівілаў. Чыгуначная станцыя ўзнікла амаль адначасова з будоўляй Маскоўска–Брэсцкай чыгункі ў 70-я гг. XIX ст. Захаваўся будынак электрастанцыі (1937 г.), службовыя будынкі чыгуначнай станцыі (1879 г.) і двухпавярховы дом службоўцаў памежзаставы (1920 г.). Пакуль яшчэ дзейнічае воданапорная вежа, пабудаваная ў 1922 г.