< Новы Свержань >

З пачатку XIV ст. пры пабудове абарончых збудаванняў з палявога каменю: замкаў, крэпасцяў, подпорных сцен, мастоў – людзі сталі, пачынаючы з населеных пунктаў, будаваць гарызантальнае каменнае пакрыццё, у тым ліку і дарожнае. Прыкладна ў пачатку XV ст. на тэрыторыі ВКЛ з'явіліся першыя брукаваныя дарогі. У Новым Свержні захавалася частка такой старажытнай дарогі, якой прысвоены статус гісторыка-культурнай каштоўнасці. Унікальны аб'ект уключае ў сябе архітэктурнае каменнае пакрыццё, абочыну і нават высаджаныя ў той час дрэвы.