< Парк і сажалка >

Мірскі пейзажны парк займае плошчу каля 20 га і мае ўласныя ландшафтныя асаблівасці, сваю экзотыку і непаўторную гісторыю. Закладзены парк у першым дзесяцігоддзі ХХ ст. Парк часткова акружае штучную сажалку, тут таксама ёсць зона экзатычных раслін і тэрыторыя, некалі адведзеная пад «італьянскі сад». Масток, што злучаў бераг сажалкі з астраўкамі, на жаль, згублены.