< Помнік А. Міцкевічу >

Навагрудак – гэта горад, дзе адзін з геніяльных паэтаў Беларусі, які даў пачатак беларускаму рамантызму ў літаратуры, быў ахрышчаны і пражыў каля 15 гадоў свайго нядоўгага жыцця. Усё даўно ішло да таго, каб тут быў узведзены помнік паэту. І нарэшце ў 1975 г. каля Замкавай гары з'явілася мемарыяльная стэла, а ў 1992 г., на тым жа месцы, – бронзавы помнік вышынёй прыкладна тры метры. Паэт глядзіць у бок, дзе ён нарадзіўся ў далёкім 1798 г.