< Пратасаўшчына >

У вёску Пратасаўшчына вядзе дарога, якая праходзіць праз сасновы бор. Не даязджаючы да краю лесу, з левага боку дарогі знаходзяцца старажытныя каталіцкія могілкі. Тут можна знайсці руіны капліцы-пахавальні роду Шастоўскіх, якія валодалі некалі квітнеючым тут маёнткам. Узведзена капліца ў 1865 г. з палявога каменю ў стылі народнага дойлідства. Перад капліцай стаяць руіны пілонаў брамы, збудаванай, магчыма, у той жа час. Нядаўна тут ўсталявалі крыж.