< Радавая забудова >

Упершыню Мір згадваецца ў 1395 г. з нагоды нападу крыжакоў. У 1579 г. мястэчка атрымала Магдэбургскае права. Старая частка сённяшняга пасёлка кампактна размешчана вакол яго цэнтральнай плошчы. Гэта былыя жылыя дамы і гандлёвыя крамы прадстаўнікоў татарскіх і габрэйскіх суполак мястэчка. Сёння пабудовы, якія прадстаўляюць архітэктурную каштоўнасць, адрэстаўраваныя і выкарыстоўваюцца ў розных гаспадарчых мэтах.