< Сінагогі

Галоўная сінагога Слоніма ў стылі барока ўзведзена з цэглы ў 1642 г. Пабудова мае абарончы характар. Таўшчыня сцен складае каля двух метраў. Пасля Другой сусветнай вайны савецкія ўлады наладзілі ў сінагозе таварны склад, а затым ператварылі яе ў гандлёвую кропку. У пачатку ХХІ ст. яна перайшла ва ўласнасць габрэйскай супольнасці Беларусі. З вялікай цяжкасцю вядуцца рэстаўрацыйныя працы. Размяшчаецца былая сінагога па вул. Камуністычнай.