< Спаса-Еўфрасіннеўскі манастыр

Гэты манастыр – найстаражытнейшы дзеючы манастыр на землях Беларусі. Заснаваны ён у 1120-я гг. як праваслаўны. Пасля 1579 г. ён быў ва ўласнасці манахаў ордэна езуітаў. З сярэдзіны XVII ст. манастыр зноў стаў праваслаўным. А з 1841 г. быў канчаткова зацверджаны як праваслаўны жаночы манастыр. У 1910 г. сюды з Кіева-Пячэрскай лаўры перавезеныя моцы Святой Еўфрасінні Полацкай. У 1928 г. савецкія ўлады зачынілі святыню, а ў 1990 г. яна зноў была адкрыта для вернікаў.