< Старая Водва >

Назву храма мясцовыя жыхары ўжо не памятаюць. Цалкам магчыма, што гэта быў уніяцкі ці каталіцкі храм. Да Другой сусветнай вайны выкарыстоўваўся як склад для дусту. Падчас вайны частка памяшкання была адведзеная пад набажэнствы, а другая частка служыла шпіталем для нямецкіх салдат. Перад храмам была вялікая гандлёвая плошча, зараз на яе месцы могілкі. Пасля вайны сюды прыязджала немка, чый сваяк ляжаў у гэтым шпіталі і быў пахаваны побач з храмам.