< Сядзіба «Аўгустова» >

Яшчэ адна рэзідэнцыя апошняга караля РП. Сядзібны дом быў страчаны падчас Першай сусветнай вайны, і графскі род дэ Пасі, якому на той час належала сядзіба, перабраўся на сталае жыхарства ў суседнюю каменную карчму, прыстасаваную пад жылы дом. На тэрыторыі сядзібы захавалася капліца-пахавальня роду Пасі. Побач брама з званіцай. Год пабудовы сядзібы – 1782 г. Гэтая сядзіба таксама ўзводзілася па праекце архітэктара Д. Сака.