< Татарскія могілкі

Першыя прадстаўнікі татарскага народа пачалі сяліцца на землях ВКЛ у часы вялікага князя Вітаўта, пачынаючы з канца XIV ст. Гэта былі ў тым ліку і татары, паланёныя ў бітве на Сініх Водах (1362 г.). Да заселеных татарамі населеных пунктаў належаў і Мір. Татарскія могілкі размешчаныя на невялікім пагорку за хрысціянскімі могілкамі. Пахаванні тут пачалі праводзіцца, хутчэй за ўсё, з сярэдзіны XVI ст.