< Трабы >

Паселішча вядома з XVI ст. як валоданні Трабскіх, Гаштольдаў, Радзівілаў, Нарбутаў. Ад мінуўшчыны маёнтка захаваліся дыхтоўныя каменныя свірны, якія захапляюць якасцю мура і маштабнасцю пабудоў. Насупраць стаіць драўляны свіран з тэрасай на ўсю даўжыню. У 1900 г. у цэнтры вёскі з цэглы ўзведзены касцёл Нараджэння Дзевы Марыі ў стылі неаготыкі. Царква Пятра і Паўла пабудавана з дрэва ў стылі народнага дойлідства ў 1784 г.