< Царква Св. Марыі Егіпецкай

Царква ў рэтраспектыўна-рускім стылі з цэглы ўзведзена адразу пасля падаўлення паўстання 1863-1864 гг. пад кіраваннем К. Каліноўскага. Асаблівасць дадзенай праваслаўнай царквы ў тым, што на шатровых гранях даху званіцы, над бабінцам, устаноўлены гадзіннік. Падобная дэталь вонкавага дэкору ў архітэктуры праваслаўных храмаў з'яўляецца, магчыма, адзінай у Беларусі.