Варацэвічы >

У 1872 г. тут узведзены цагляны Крыжаўзвіжанскі храм у рэтраспектыўна-рускім стылі. Храм пабудаваны па адным з тыпавых праектаў. Захавалася брама і каменная агароджа. Побач з вёскай некалі знаходзіўся маёнтак шляхецкага роду Орда. Тут у 1807 г. нарадзіўся кампазітар і мастак Напалеон Орда. Ад маёнтка захаваліся толькі арыгінальныя фундаменты дома. Драўляны сядзібны дом маёнтка аднаўляюць. У Варацэвічах дзейнічае музей Напалеона Орды.