Вірлавічы >

У гэтай зацішнай мясціне на вельмі маляўнічым невялічкім пагорку з 1746 г. стаяў драўляны касцёл Св. Пятра і Паўла. У 1961 г. савецкая ўлада яго знішчыла. Засталіся руіны і ад колішняй сядзібы «Набароўшчына». Гэта руіны дастаткова вялікага бровара, пабудаванага з неапрацаванага каменю. З такога ж матэрыялу ўзведзены і вадзяны млын на беразе ракі Волка. Сёння на пагорку, дзе стаяла каталіцкая святыня, стаіць сціплы крыжык, а руіны бровара добрыя людзі нядаўна вызвалілі ад дрэў і кустоў. Праз нейкі час, можа, і млынок дачакаецца руплівых рук неабыякавых нашых суайчыннікаў.