< Вішнева >

На гэтым месцы пры Вялікім князі Вітаўце, у 1424 г., была ўзведзена драўляная каталіцкая святыня. У 1637 г. тут пабудаваны новы храм з цэглы ў стылі барока, асвячоны ў гонар Св. Дабравешчання. Пасля пажару ў 1771 г. былі дабудаваныя бакавыя капліцы. У 1906 г. адбылася яшчэ адна перабудова – да галоўнага фасада быў прыбудаваны нартэкс з дзвюма невысокімі вежамі. Побач знаходзіцца брама-званіца, пабудаваная ў 1862 г. У інтэр'еры храма прысутнічаюць работы мастака Фердынанда Рушчыца.