< Волма >

Паселішча вядомае з 1581 г. Мясцовым маёнткам валодалі Манівіды, Гаштольды, Валадковічы. Ад маёнтка Ваньковічаў захаваўся сядзібны дом, дом для рабочых і флігель-кухня. За сажалкамі знаходзяцца руіны капліцы-пахавальні (1822 г.). У добрым стане захаваўся драўляны вадзяны млын з цокалем з палявога каменю (1859 г.). У велічным старажытным парку захаваліся разнастайныя пароды дрэў.