< Вялікая Лысіца >

На штучным пагорку ў цэнтры вялікай вёскі ў 1915 г. пабудавана Крыжаўзвіжанская царква ў неарускім стылі з цэглы. У 1990 г. яна была адрэстаўраваная і адкрытая для прыхаджан. Падмурак складзены з часаных каменных блокаў. Рэльефнае ўбранне храма выканана з якаснага матэрыялу. Хупава аформлены ганак ў выглядзе арачнага падстрэшка на чатырох фігурных слупах.