< Забалоцце >

Вялізныя ўладанні маёнтка роду Дышлеўскіх, які некалі квітнеў тут, сёння занятыя прыватнай забудовай, сучаснымі дарогамі і палямі, якія належаць прыватным і дзяржаўным гаспадаркам. Захаваліся фрагменты пейзажнага парку, сядзібны дом да нашых дзён не дайшоў. Ад маёнтка засталася таксама дыхтоўная гаспадарчая пабудова, збудаваная ў самым пачатку ХХ ст. Сёння яна капітальна адноўленая і выкарыстоўваецца як адміністрацыйны будынак.