< Заслаўе >

Касцёл, магчыма, узводзіўся па праекце і пры непасрэдным удзеле вядомага італьянскага архітэктара К. Спампані. Пабудавана святыня ў стылі барока з цэглы ў 1774 г. на сродкі ўладальнікаў Заслаўя – шляхецкага роду Пшаздзецкіх. Калісьці, у пачатку XVII ст., тут ужо існаваў каталіцкі храм, спалены падчас «Крывавага патопу» вайны з Масковіяй (1654-1667 гг.). У 1868 г. перабудаваны пад царкву. Разбураны падчас Другой сусветнай вайны і толькі ў 1988 г. вернуты вернікам. Сёння касцёл у стадыі аднаўлення.