< Збірагі >

Храм у гэтай вёсцы пабудаваны на сродкі родаў Сапегаў і Пацаў у 1610 г. як уніяцкі. У 1866 г., пасля паўстання 1863-1864 гг., царскія ўлады перадалі святыню праваслаўнай царкве. У 1920-я гг. храм дзейнічаў як касцёл. Пасля Другой сусветнай вайны ён зноў стаў праваслаўнай царквой, асвячонай у гонар Св. Параскевы Пятніцы. Драўляны храм неаднаразова перабудоўваўся, у рэшце рэшт набыўшы рысы народнага дойлідства з элементамі класіцызму і барока.