Маршрут Дубой >
Кропкі маршрута Дубой
Былы фальварак маёнтка Дубой, які належыць пінскім езуітам. Сёння гэтая вёска вядомая па ўсёй Беларусі вырабам размаляваных куфраў з асаблівымі салярнымі ўзорамі. У вёсцы захаваўся дыхтоўны будынак жылога ці сядзібнага дома, пабудаванага з цэглы ў 1878 г.
Яшчэ адзін былы фальварак, падораны пасля 1656 г. Альбрэхтам Радзівілам пінскім езуітам. У 1865 г. з дрэва ўзведзена Крыжаўзвіжанская царква ў стылі народнага дойлідства з рысамі класіцызму. У храме захоўваецца асабліва шанаваны абраз Маці Божай, які быў напісаны ў 1712 г. У 1865 г. абраз атрымаў новы аклад.
Яшчэ адзін удалы прыклад архітэктуры народнага дойлідства. Асноўны аб’ём – гэта малітоўная зала царквы, да якой у гарманічных аб’ёмах прымыкае апсіда храма і яго бабінец, над якім узвышаецца званіца. Можна ўбачыць таксама Пакроўскую царкву, якая была збудаваная ў гэтай вёсцы ў 1878 г. Храм стрымана дэкараваны драўлянай разьбой.
На землях пінскага кляштара езуітаў захаваўся пабудаваны ў стылі барока цагляны Крыжаўзвіжанскі касцёл (1732 г.). У 1784 г. тут гасцяваў кароль Станіслаў Аўгуст Панятоўскі. Адноўлены касцёл у 1920 г. Ад маёнтка захавалася брама, жылы дом, гаспадарчая пабудова. У 1811 г. з цэглы пабудаваная царква Раства Багародзіцы ў стылі класіцызму. Побач з маёнткам – невялікія могілкі Першай сусветнай вайны. Парк маёнтка «Дубой» з’яўляецца помнікам садова-паркавай культуры сярэдзіны XVIII ст. і мае патрэбу ў ахове.
Маёнтак згадваецца з 1488 г. Належаў Цішковічам, Вішнявецкім, Друцкім-Любецкім, Пуслоўскім. Апошні ўладальнік – Мар’ян Вандалін. У абрамленні вялізнага старажытнага парку ў добрым стане захаваўся сядзібны дом, пабудаваны з дрэва ў стылі неабарока ў самым пачатку XX ст. Абавязкова варта прагуляцца па цяністых сцяжынках парку.
Цэнтральную плошчу горада ўпрыгожвае Траецкі касцёл, пабудаваны з цэглы ў неараманскім стылі ў 1908 г. З 1950 па 1989 гг. быў зачынены. Насупраць касцёла ў 1901 г. з цэглы ўзведзена ў рэтраспектыўна-рускім стылі Пакроўская царква. Тут жа, у скверыку, усталяваны помнік Напалеону Ордзе. Досыць насычаная радавая забудова горада XIX ст.
У пачатку XV ст. Купяцічы ўжо згадваліся як буйное паселішча. А ў 1630 г. тут пабудаваны драўляны мужчынскі манастыр. Сёння ў гэтай вёсцы можна ўбачыць толькі драўляную царкву, пабудаваную ў стылі народнага дойлідства ў 1867 г. Невялікая па памеры і сціплая сваім дэкорам, святыня тым не менш з’яўляецца ўпрыгожаннем вёскі.
Петрапаўлаўскі праваслаўны храм у стылі народнага дойлідства з рысамі барока пабудаваны з дрэва ў 1792 г. Магчыма, першапачаткова ён быў уніяцкім. У пачатку другой паловы XIX ст. святыня была істотна перабудаваная: перайначаная купальная сістэма і прыбудаваныя сіметрычныя рызніцы. Прыкладна ў той жа час каля храма была ўзведзена двух’ярусная званіца.
Гэты былы ўніяцкі храм, пабудаваны з дрэва ў 1788 г., першапачаткова складаўся з двух асноўных аб’ёмаў: квадратнага малітоўнага памяшкання і пяціграннай алтарнай часткі з двума высока размешчанымі вокнамі. Пасля 1864 г. касцёл быў перабудаваны. Да алтарнай зоны былі прыбудаваныя дзве прастакутныя рызніцы, а да малітоўнай залі – рэдкі па канструкцыі бабінец у два паверхі, які выкарыстоўваўся і як званіца.
Фотагалерэя