Маршрут Дзятлава >
Кропкі маршрута Дзятлава
Вядомы з XV ст. як мястэчка. Валодалі ім Заслаўскія, Сіняўскія, Сапегі. У 1872 г. з цэглы і палявога каменю ўзведзена царква Св. Пятра і Паўла ў псеўдарускім стылі. Захаваліся брама і агароджа, пры будоўлі якіх выкарыстоўвалі той жа матэрыял. Сёння святыня адбудаваная, адноўлены інтэр'еры храма, добраўпарадкавана сумежная тэрыторыя.
У 1730 г. з цэглы ўзведзена гэтая каталіцкая капліца ў стылі ампір з элементамі класіцызму. Мясцовыя жыхары сцвярджаюць, што яна была асвечаная ў гонар Дзевы Марыі. Да 2006 г. капліца была закінутая, але пазней яе аднавілі і пераасвяцілі як праваслаўны храм Св. Мікалая. У вёсцы цудоўна захаваўся вялікі вадзяны млын, які нядаўна перайшоў у прыватную ўласнасць.
Царква Св. Георгія ў рэтраспектыўна-рускім стылі пабудавана з цэглы ў 1869 г. Пасля Другой сусветнай вайны храм быў закрыты і доўгі час выкарыстоўваўся ў розных гаспадарчых мэтах. У 1988 г. святыню адбудавалі і адкрылі для вернікаў. На старажытных могілках непадалёк ад вёскі захавалася паганскае капішча: у адным месцы складзены вялікія валуны, пад якімі ёсць вузкі лаз. Каля валуноў стаяць праваслаўны і каталіцкі крыжы, побач паднясенні: прысмакі, каляровыя стужкі і кветкі.
У 1865 г. з цэглы пабудавана Пакроўская царква ў псеўдарускім стылі. Касцёл Божага Цела ў стылі неабарока ўзведзены з цэглы ў 1904 г. Варта зазірнуць на фамільныя могілкі Пратасевічаў, закладзеныя тут у пачатку ХІХ ст. Тут захавалася надмагілле са статуяй анёла, якому патрабуецца тэрміновая рэстаўрацыя.
З XV ст. Дзятлава згадвалася ў складзе ВКЛ як паселішча Здзецел. На хрысціянскіх могілках захавалася капліца-пахавальня памешчыка Стравінскага. Палац Радзівілаў у стылі барока. Радавая забудова на вул. 17 Верасня. Габрэйскія могілкі. Драўляная Спаса-Праабражэнская царква (XVIII ст.). Касцёл Узнясення Дзевы Марыі пабудаваны Львом Сапегам у 1624 г. Гэты храм з'яўляецца адным з яскравых прыкладаў стылю віленскага барока на Беларусі.
Паселішча вядомае з XVI ст. З сярэдзіны ХІХ ст. – мястэчка. У 1876 г. пабудавана цагляная царква Раства Багародзіцы ў псеўдарускім стылі па праекце архітэктара Лазінскага. Велічны будынак чыгуначнага вакзала ўзведзены ў 1920 г. Мемарыяльная калона з цэглы з'явілася тут у пачатку XVIII ст. Магчыма, яна пабудавана падчас Паўночнай вайны ў гонар загінулых жаўнераў шведскай арміі.
На ўскраіне вёскі з палявога каменю пабудавана царква Св. Барыса і Глеба ў стылі класіцызму. Храм гарманічна ўпісваецца ў асяроддзе. Агароджа з каменю здаецца лёгкай і ажурнай. Двух'ярусная капліца таксама складзена з бутавага каменю.
Капліца-пахавальня пабудавана з цэглы на могілках у канцы XVIII ст. Сёння капліца ў руінах. Каля капліцы ў 1822 г. узведзены цагляны касцёл Сэрца Ісуса ў стылі класіцызму. Пасля паўстання пад кіраўніцтвам Каліноўскага ён быў перададзены праваслаўнай царкве. У 1950 г. закрыты. У храме працаваў склад, потым крама. У 1989 г. яго аднавілі і перадалі каталікам.
Фотагалерэя