Маршрут Лунінец >
Кропкі маршрута Лунінец
Тут знаходзіцца самае тоўстае на Беларусі дрэва – дуб, вышыня якога складае каля 50 м, а таўшчыня ствала – каля 3 м. На могілках можна ўбачыць драўляную капліцу Св. Сымона (XIX ст.). Таксама тут знаходзіцца драўляная царква Св. Мікалая, пабудаваная ў стылі барока ў 1818 г.
У 1779 г. з дрэва ў рысах народнага дойлідства ўзведзеная царква Св. Мікалая. Стаіць храм на могілках на невялікім схіле ўзгорка. Першапачаткова, магчыма, гэты храм быў уніяцкім або каталіцкім. У цэнтры вёскі знаходзіцца прыдарожная капліца і найрадзейшы драўляны будынак прыдарожнай капліцы-званіцы або каланчы. Абедзве капліцы ўзведзеныя ў пачатку XIX ст.
Цагляная царква Раства Багародзіцы ўзведзеная ў рэтраспектыўна-рускім стылі ў 1880 г. На гэтым месцы на беразе ракі Смердзь у пачатку XVIII ст. збудаваныя драўляны касцёл і кляштар, пабудаваны на сродкі магнацкага роду Радзівілаў. Цудоўна захаваліся казармы польскага пагранічнага корпуса, пабудаваныя з цэглы ў 1896 г. Сёння яны выкарыстоўваюцца ў гаспадарчых мэтах.
Храм у стылі народнага дойлідства з элементамі класіцызму збудаваны з дрэва ў 1824 г. Немагчыма сказаць, да якой канфесіі адносілася гэтая пабудова першапачаткова. Сёння гэта праваслаўная царква, асвячоная ў гонар Св. Барыса і Глеба. Драўляная званіца, якая стаяла побач, да нашых дзён не захавалася.
На невялікай плошчы ў цэнтры горада ўзвышаецца Крыжаўзвіжанская царква. Пабудаваная яна з чырвонай цэглы ў рэтраспектыўна-рускім стылі ў 1912 г. Касцёл Св. Іосіфа з цэглы пабудаваны ў стылі гістарызму з рысамі неаготыкі ў 1931 г. Абавязкова варта палюбавацца радавой забудовай XIX ст.
Царква Нараджэння І. Прадвесніка пабудаваная з цэглы як касцёл у стылі эклектыкі ў 1936 г. Каб убачыць Мікашэвіцкі гранітны кар’ер, глыбіня якога складае 130 м, неабходна атрымаць дазвол адміністрацыі кар’ера. На аб’екце ўвесь час ідуць выбуховыя работы.
Царква Св. Кірыла і Мяфодзія пабудаваная з цэглы ў 1775 г. як касцёл. У 1864 г. была перададзеная праваслаўным вернікам, а ў 1870 г. перабудаваная. Значна змяніўся знешні выгляд храма, і да рысаў класіцызму прымешваецца рэтраспектыўна-рускі стыль. Таксама можна ўбачыць будынак сінагогі (XIX ст.) і прыдарожную каталіцкую капліцу за плотам на прыватным падворку.
У пачатку XIX ст. тут квітнела сядзіба вядомага княжацкага роду Друцкіх-Любецкіх. Як сядзіба, так і паселішча калісьці насілі назву Крыстынава. З сядзібных будынкаў захавалася толькі лазня, пабудаваная з цэглы ў 1877 г. Сёння пабудову плануецца пераабсталяваць пад культавую ўстанову.
У пачатку XVII ст. з дрэва ўзведзеная царква Св. Георгія ў стылі народнага дойлідства. Побач з храмам знаходзіцца драўляная званіца ў тым жа стылі. У цяперашні час царква ўжо не дзейнічае.
Свята-Праабражэнскі храм у неарускім стылі збудаваны з дрэва ў 1910 г. У храме захоўваецца ўнікальны напрастольны крыж з эмалямі пачатку XIX ст. і іконы, створаныя ў сярэдзіне і канцы XVIII ст. Тэрыторыя вакол святыні добраўпарадкаваная.
Фотагалерэя